Mörg hundruð manns mættu í opið hús í Urriðaholti laugardaginn 17. október. Starfsfólk Mannverks og fasteignasalar tóku á móti fólki og hægt var að skoða sýningaríbúð á 1.hæð og rölta um svæðið. Holtsvegur 37-39 er fjölbýlishús á fallegum útsýnisstað í skjólsælum suðurhliðum Urriðaholts í Garðabæ. Um er að ræða vandaðar íbúðir í lyftuhúsi ásamt stæði í lokuðum bílakjallara. Auk þess eru penthouse-íbúðir á 5.hæð. Áætlað er að íbúðir verði tilbúnar til afhendingar síðsumars 2016.
Byggingaraðilar og fasteignasalar stóðu að opna húsinu í samvinnu við Urriðaholt ehf. og var það einróma álit að dagurinn hafi verið mjög vel heppnaður.
Hótel að Brautarholti 10-14
Mannverk hefur undirritað kaupsamning vegna fasteignar að Brautarholti 10-14 í Reykjavík. Til stendur að breyta húsnæðinu í hótel og hefur núþegar verið gengið frá samningum um rekstur hótelsins. Hönnunarvinna er í gangi og áætlað er að fyrstu herbergin verði tekin í notkun á vormánuðum 2016.
Mannverk fær viðurkenningu
Mannverk ásamt hönnuðum Þorrasala 17, Teiknistofa Gylfa Guðjónssonar og félaga ehf, fengu á dögunum viðurkenningu umhverfis- og samgöngunefndar Kópavogs fyrir frágang húss og lóðar á nýbyggingarsvæði. Slík viðurkenning er mikil hvatning fyrir Mannverk að halda áfram á sömu braut.
