Almennt

Mannverk ehf var stofnað á vordögum árið 2012 og í dag starfa hjá okkur yfir fimmtíu framúrskarandi starfsmenn og fjölmargir aðilar í undirverktöku. Við sérhæfum okkur í byggingastjórnun, þróunarverkefnum, stýriverktöku, stjórnun verkefna og hönnunar ásamt almennri framkvæmdaráðgjöf. Við bjóðum persónulega þjónustu og samstarf á öllum stigum verkefna.
Hjá Mannverki er lögð áhersla á faglega stýringu verkefna og er gæðakerfi Mannverks vottað samkvæmt ISO 9001:2015 staðlinum. Falleg hönnun er í fyrirrúmi og umhverfismál en sem leyfishafi á Svansvottuðu húsi hefur Mannverk skapað sér sérstöðu sem byggingaraðili vistvænna húsa.

Bæklingur um Mannverk

Skrifstofa Mannverks er að Dugguvogi 2 í Reykjavík. Sími 519-7100.

 

Mannverk's employes

Gæða- og stefnumál

Mannverk er vottuð skv. ISO 9001 gæðastjórnunarstaðlinum. Það er markmið Mannverks að vörur og þjónusta fyrirtækisins uppfylli ávallt kröfur og væntingar viðskiptavina og starfsmanna um fagleg vinnubrögð. Það er enn fremur markmið Mannverks að vera leiðandi á þeim sviðum sem fyrirtækið starfar á.
Með innleiðingu og vottun gæðastjórnunarkerfis hjá Mannverki hefur fyrirtækið sýnt ábyrgð á að bæta rekstur sinn og þjónustu við viðskiptavini sína á markvissan hátt. Gæðakerfi Mannverks endurspeglar þá þekkingu og reynslu sem býr innan fyrirtækisins og hjá starfsfólki þess.

Stefna Mannverks er að:

  • Afhending á réttum tíma:Tryggja að fyrirtækið skili umsömdu verki innan tímamarka
  • Ánægja viðskiptavina: Uppfylla kröfur viðskiptavina og hagsmunaaðila
  • Hagkvæmni: Gæta hagkvæmni í starfsemi þannig að rekstur Mannverks verði arðsamur
  • Starfsánægja: Auka ánægju í starfi og veita starfsmönnum gott vinnuumhverfi og efla fagþekkingu
  • Gæðastýring: Viðhalda faggildri vottun skv ISO 9001 staðlinum
  • Öryggi og vellíðan í starfi. Tryggja öryggi, heilsu og vellíðan starfsmanna og tengdra aðila

Öryggismál

Eitt af markmiðum okkar hjá Mannverk er að gera fyrirtækið að öruggum og slysalausum vinnustað þar sem öryggi og heilsa starfsmanna er alltaf sett í forgang. Sama gildir um þá vinnustaði þar sem unnið er að verkum fyrir Mannverk af öðrum en starfsmönnum fyrirtækisins. Í allri starfsemi okkar eru markmið í öryggis-, heilbrigðis- og umhverfismálum skýr:

  • Að tryggja öryggi starfsmanna okkar og verktaka
  • Að vernda umhverfið
  • Að vera slysalaust fyrirtæki

Við viljum heyra frá þér

Ábendingar þínar skipta okkur máli og við höldum utan um þær í ábendingakerfinu okkar.
Sendu okkur ábendingu: mannverk@mannverk.is

ISO 9001 vottun

Mannverk er stoltur handhafi ISO 9001:2015 vottunar sem fyrirtækið hlaut fyrir gæðastjórnunarkerfi sitt árið 2017. Með kerfinu er verið að tryggja gegnsætt verklag í framkvæmdum og faglega þjónustu. Hér má sjá skírteinið Certificate of Registration 667687_23-26