Margir lögðu leið sína á opið hús að Holtsvegi 37-39 í gær og fer sala íbúða vel af stað enda er um að ræða glæsilegar byggingar á útsýnisstað í skjólsælum suðurhlíðum Urriðaholts. Fólk notaði tækifærið og skoðaði sýningaríbúðina, naut útsýnis frá hæstu hæðum, rölti um svæðið, spjallaði við fasteignasala og fékk sér kaffi og kleinur.
Starfsmenn á skyndihjálparnámskeiði
Skyndihjálparnámskeið á vegum Mannverks fór fram fyrir stuttu og var vel sótt af starfsmönnum og byggingarstjórum. Um var að ræða grunnnámskeið þar sem fjallað var sérstaklega um möguleg slys á byggingasvæðum. Kennari á námskeiðinu var Ólafur Ingi Grettisson slökkviliðs- og sjúkraflutningamaður og leiðbeinandi hjá Rauða Krossinum. Mikil ánægja var með námskeiðið sem þótti bæði lífleg og skemmtileg þó svo að umræðuefnið væri alvarlegt.
Íbúðir afhentar nýjum eigendum
Í síðustu viku afhenti Mannverk nýjum eigendum fyrstu íbúðirnar að Lyngás 1 í Garðabæ. Í þessari viku fjölgar í þeim hóp en þá hafa 29 íbúðir verið afhentar. Um að ræða 2ja til 5 herbergja íbúðir í 3. og 4. hæða lyftuhúsi með bílakjallara.
Mannverk óskar nýjum íbúðareigendum innilega til hamingju með íbúðirnar.