Í síðustu viku afhenti Mannverk síðustu íbúðirnar að Herjólfsgötu 32-34 í Hafnarfirði og eru allar íbúðirnar nú seldar. Mikill áhugi var á íbúðunum enda einstaklega vel heppnaðar og staðsetning frábær, steinsnar frá strandlengjunni og friðað hraunið í húsgarðinum.

Mannverk óskar nýjum íbúðareigendum innilega til hamingju með íbúðirnar.

Mannverk reisir fyrsta vistvottaða íbúðarhúsið á Íslandi við Brekkugötu 2 í Garðabæ. Húseigendur hafði lengi dreymt um að byggja vistvænt hús á Íslandi sem væri vottað af þriðja aðila. Svanurinn var það kerfi sem uppfyllti flest markmið verkefnisins og þá helst að húsið verði byggt á markaðslausnum sem hægt er að gera „mainstream“ á Íslandi. Húsaviðmið Svansins hafa verið aðlöguð að íslenskum aðstæðum fyrir Visthús sem ryður þar með brautina fyrir fleiri Svansvottuð hús á Íslandi!

Auk Mannverks hafa húseigendur fengið til liðs við sig nokkur fyrirtæki sem hafa sambærilega sýn og við að gera byggingariðnaðinn umhverfisvænni. Markmiðið er að fyrirtækin geti á auðveldan máta leiðbeint einstaklingum og öðrum aðilum í sambærilegum hugleiðingum að byggja umhverfisvottað hús.

Á heimasíðunni visthus.is er hægt að kynna sér allt um húsið, markmiðið með og hvatann að baki verkefninu, lausnir og álitamál.

Mannverk hefur lokið við framkvæmdir á nýrri byggingu fyrir Waldorfskólann að Sóltúni 6 í Reykjavik. Skólinn er sjálfstætt starfandi og byggir á Waldorfstefnunni sem miðar að því að laða fram ánægða og skapandi nemendur með frumkvæði og sjálfstæða hugsun.
Einkenni á byggingarstíl er sömuleiðis í anda stefnunna og á byggingin að gefa nemendum skapandi leik og námsumhverfi gegnum þroskaferðalag sitt frá leikskóla til loka grunnskóla.