Tímamót urðu í íslenskri byggingarsögu í dag þegar Umhverfisstofnun veitti Mannverki Svansvottun fyrir byggingu á Visthúsinu Brekkugötu 2 í Garðabæ en um er að ræða fyrsta umhverfisvottaða húsið á Íslandi. Framkvæmd og verkefnastjórn á byggingu visthússins var í höndum Mannverks en fyrirtækið hefur frá stofnun haft þá sýn að gera byggingariðnaðinn umhverfisvænni. Sem leyfishafi á Svansvottuðu húsi hefur Mannverk skapað sér sérstöðu sem byggingaraðili vistvænna húsa og ryður þar með brautina fyrir fleiri Svansvottuð hús á Íslandi.
Mannverk óskar eigendunum Finni Sveinssyni og Þórdísi Jónu Hrafnkelsdóttur innilega til hamingju með húsið sitt.

Mannverk óskar CenterHotel Miðgarður til hamingju með opnunina.

Hótelið Miðgarður er sjötta hótelið í CenterHotels keðjunni sem er fjölskyldurekin hótelkeðja til 20 ára og rekur 6 hótel og þrjá veitingastaði í miðborg Reykjavíkur. Byggingin hýsti áður banka og er því vítt til veggja og hátt til lofts á móttöku- og barsvæðinu sem skapar þennan fallega en um leið vinalega karakter hótelsins sem arkitektarnir Gláma Kím sóttust eftir við hönnun hótelsins.
Mannverk sá um framkvæmdir á húsnæðinu.

Mannverk hefur fengið ISO 9001:2015 vottun á gæðastjórnunarkerfið sitt hjá BSI á Íslandi. Heiðurinn á frábært starfsfólk Mannverks sem er ávallt tilbúið að leggja sitt að mörkum til að gera gott verklag ennþá betra. Við óskum þeim öllum til hamingju með árangurinn.
Á Íslandi eru nokkur tugi íslenskra fyrirtækja með gæðakerfi sín vottuð samkvæmt ISO 9001. Mannverk er þriðja byggingarfélagið með slíka vottun á Íslandi.