Íbúðir að Gerplustræti í Mosfellsbæ rjúka út og eru nú aðeins 9 íbúðir eftir óseldar. Um er að ræða tveggja til fimm herbergja íbúðir í lyftuhúsi, ásamt bílastæði í bílageymslu. Íbúðir eru tilbúnar til afhendingar og eru til sölu hjá eftirfarandi fasteignasölum: Eignamiðlun, Fasteignasalan Borg og Fasteignasala Mosfellsbæjar.
Uppbygging við Sléttuveg
Meðfylgjandi mynd var tekin við undirskrift verksamnings milli Sjómannadagsráðs og Mannverks um byggingu á nýju hjúkrunarheimili Hrafnistu að Sléttuvegi. Mannverk átti lægsta tilboð í uppsteypu og utanhússfrágang en um er að ræða 99 hjúkrunarrými. Vinna við framkvæmdir er að fara af stað og stefnt er á að verklok verði í áföngum frá árslokum 2019 til fyrri helmings ársins 2020. Á heimasíðu sjómannadagsráðs má sjá nánari upplýsingar um uppbygginguna á Slettuvegi.
Uppsteypa að Dalsbraut í Njarðvík
Mannverk hefur gert samning um byggingu á 74 íbúðum að Dalsbraut 3-5 og 4-6 í Njarðvík. Áætlað er að hefja strax uppsteypu á fyrsta áfanga sem eru 22 íbúðir og svo taka næstu byggingar við í kjölfarið. Undirbúningur er hafinn og verið er að reisa krana og vinnubúðir þessa dagana. Skila á íbúðum á byggingastigi 7 en þó án golfefna.